Aktualitet

Hahn “detyrohet” të reagojë për pronat e minoritetit grek: Po ju vëzhgojmë


               Publikuar në : 15:03 - 19/04/19 |
b.f

Pas debateve në distancë mes Tiranës dhe Athinës për pronat e minoritetit grek në jug të Shqipërisë, duket se ka ndërhyrë edhe Komisioneri për Zgjerim në Bashkimin Europian Johannes Hahn. Në një intervistë për “Deutsche Welle”, Hahn ka thënë se Shqipëria ka probleme me zbatimin e të drejtës së pronës, duke paralajmëruar edhe asistencë nga BE në zgjidhjen e këtij problemi.

“Problemet që kanë të bëjnë me të drejtat e pronës janë në fakt një çështje komplekse dhe e vjetër në Shqipëri, që shkon pas në vite, në kohën e rënies së regjimit komunist. Komisioni Europian është i vetëdijshëm për shqetësimet ndaj vendimeve të fundit, të miratuara nga Qeveria shqiptare, lidhur me menaxhimin e tokës përgjatë zonës jugore bregdetare dhe vazhdon të angazhohet me autoritetet kompetente  në këtë drejtim. Të drejtat e pronësisë po monitorohen nga BE si pjesë e kuadrit të të drejtave themelore të njeriut. Komisioni Europian po shqyrton mundësitë ta mbështesë Shqipërinë në trajtimin e situatës problematike lidhur me të drejtën e pronës, në linjë me standaret ndërkombëtare”, ka thënë Johannes Hahn gjatë intervistës.

Çështja e pronave ka qendër të bisedimeve mes kryeministrit Edi Rama dhe homologut grek Alexis Tsipras, në samitin e Dubrovnikut. Më herët, Greqia ka paralajmëruar veton për anëtarësimin e Shqipërisë në Bashkimin Europian, nëse nuk zgjidhet çështja e pronave të minoritetit./Opinion.al

Pas