Familjarët e Dukeshës Meghan Markle vijojnë të japin intervista në media të ndryshme duke kërkuar që ajo rregullojë marrëdhënien me ta.

Më e fundit ka qenë intervista e vëllait të Dukeshës, Thomas Markle Junior, i cili prej vitesh nuk flet me Meghan.

Ai  është shprehur se Mbretëresha duhet të përpiqet të ndikojë tek Dukesha në mënyrë që ajo të flasë me familjarët e saj.

Ai ka vijuar duke thënë se nëse Mbretëresha nuk do t’a bëjë, atëherë Princ Charles duhet të përpiqet.

“Diçka nuk shkon. Ata duhet të detyrojnë atë t’i rregullojë ose do të vijojë të ketë problem në jetën e saj,”-është shprehur Thomas.

Më pas ai ka shtuar se mendon se marrëdhënia e nënës së Meghan me të është në prag të shkatërrimit, dhe se së shpejti ajo nuk do të shkojë më në pallatin Mbretëror.

Ai e ka përmbyllur intervistën duke thënë se Meghan ka ndryshuar shumë nga ajo çfarë ishte përpara njohjes me Princ Harryn.

“Ndjej se njoh më Meghanin. Kjo është një Meghan ndryshe nga ajo me të cilën jemi rritur. Është shumë shumë e çuditshme,”-ka përfunduar ai.

Nuk është hera e parë që familjarë të Dukeshës shkruajnë dhe flasin për marrëdhënien me të në media./Opinion.al/