Linda Rei është transgjinorja shqiptare, e cila jeton në Itali dhe kohët e fundit ka preferuar të dalë pa turp në ekran e të tregojë në lidhje me eksperiencën e saj jetësore. Në një intervistë për “Panorama”, Linda ka folur për planet që ka për të ardhmen.
Mes të tjerash ajo përmend se do të bëhet nënë, edhe pse tek Arjan Çani është shprehur që nuk e ka në plan për momentin diçka të tillë, duke qenë se dëshiron të shijojë ende jetën. Këtë herë në një deklaratë ndryshe ajo thotë se shtatzënia e saj mund të realizohet sikurse tek femrat që nuk ngelin shtatzënë natyralisht, por kanë nevojë për fekondim “in vitro”. Në lidhje me babain e fëmijës, ajo thotë se nuk e ka zgjedhur ende, por se një ditë do të jetë dikush që do ta bëjë të besojë sërish në atë dashurinë që ekziston në trurin e saj.
“Kushdo qoftë ai, edhe një kamerier i thjeshtë, nuk ka rëndësi për mua. Unë jam e fortë dhe e pavarur. Kështu që do të dashurohem kur dikush do të arrijë të më bëjë të buzëqeshë thjesht me mënyrën si më shikon me ato sytë që ndriçojnë e që do më japin ndjesinë se po më shikon sikur nuk ekziston njeri tjetër në botë në atë moment. Deri atëherë do të rri vetëm dhe nëse nuk do të ndodhë, do të thotë që ishte shkruar kështu”, – thotë Linda.
Ndër të tjera ajo përmend se ka në plan ti futet edhe politikës.
