Edhe pse shumë njerëz ëndërrojnë të bëhen të famshëm, duket se ka prej atyre të cilët edhe pse kanë arritur të kapin majat me dorën, nëse do të ktheheshin mbrapsht do të preferonin të ishin njerëz të thjeshtë.
Nuk janë të paktë personazhet e njohur, të cilët në deklarata të ndryshme janë shprehur se fama i lodh, ndërsa i fundit është këngëtari i suksesshëm Ed Sheeran.
Në një intervistë të dhënë për “The Sun” artisti është shprehur se fama po e bën të ndihet si kafshë.
“Unë e kam ngushtuar rrethin tim miqësor në 4 persona, pasi e kam shumë të vështirë t’u besoj njerëzve në këtë situatë ku jetoj. Më duket vetja si kafshët. Nëse ha në restorant duhet patjetër të marr një dhomë private, përndryshe njerëzit do më filmojnë teksa ha dhe është shumë gjë e shëmtuar. Fama më shkakton ankth”, ka rrëfyer këngëtari./Opinion.al
