Quhet Rikardo Senturio dhe luan në Argjentinë. Ai ka arritur të depërtojë deri në Seria A ku ka qenë pjesë e Xhenoas. Argjentinasi ka habitur me deklaratën e tij për mediat vendase.
“Kam kaluar fëmijëri të vështirë, jam rritur pranë Avellaneda, ku sot nuk mund të kthehem. E gjitha kjo për shkak të zilisë. Kam humbur babanë në moshë të vogël. Ai punonte në një fabrikë fishekzjarresh dhe ajo shpërtheu. Unë isha vetëm 5 vjeç dhe nisa një jetë të re. Më pëlqejnë armët, por nuk kam kryer ndonjëherë krim.
Kam bërë foto edhe i armatosur. Me këtë jetë jam rritur, nëse do të isha rritur me jahte atëherë do të kisha foto me jahte. Kam përdorur edhe marijuanë. Sot ka kontrolle anti-doping suprizë, por më parë ishte ndryshe”, shprehet futbollisti.
