Pep Guardiola-Franck Ribery, dueli në distancë vazhdon. Pas kritikave të francezit, i cili hodhi disa thumba në adresë të ish trajnerit të Bayernit të Mynihut, është verë Guardiola që zbret në fushë duke mos kursyer një kundërpërgjigje të shpejtë. “Me Ancelottin kam fituar sërish besimin pasi ai është një trajner i madh. Guardiola është i ri dhe pa shumë eksperiencë”, u shpreh Ribery për gazetën “Kicker”.
Gjithsesi, trajneri katalanas është përpjekur të mos polemizojë duke theksuar: Franck-ut i them që e dua shumë. Është një gjë pozitive që ai më konsideron të ri. Unë punoj çdo ditë për të mësuar sa më shumë”. Një batutë diplomatike por edhe ironike nga ana e trajnerit të Manchester City, i cili ka nisur punën me skuadrën e tij të re pas 3 sezoneve te Bayerni i Mynihut.
Pep Guardiola dhe Franck Robery bashkëpunuan për tre sezone por marrëdhënia e tyre nuk ishte asnjëherë e shkëlqyer. Forma e dobët e francezit për shkak të dëmtimeve të shumta por edhe vendimet e katalanasit për të ndryshuar formacionin disa herë, krijuan shkëndija në klubin bavarez që tashmë ka nisur një erë të re nën drejtimin e italianit, Carlo Ancelotti./Supersport.al
