Gjykata e Lartë Greke ka vendosur kundër ekstradimit të tetë ushtarëve turq që sipas qeverisë turke kanë organizuar grushtin e shtetit të mbetur në tentativë gjatë muajit korrik.
Në argumentin e vendimit të gjykatës thuhet se ushtarët nuk mund të kthehen në Turqi pasi aty nuk do të ndiqen sipas një procesi të rregullt gjyqësor si dhe ata mund të bëhen subjekt i torturës apo në rastin më të keq, humbjen e jetës.
Tetë ushtarët u larguan me një helikopter drejt Greqisë pas dështimit të grushtit të shtetit. Ata pretendojnë të mos jenë përfshirë në trazirat e shkaktuara.
Turqi ka kërkuar që të kthehen për tu gjykuar në vend, ndërsa ushtarët thonë se jeta e tyre vihet në rrezik nëse ata kthehen në Turqi.
Rasti ka paraqitur një dilemë diplomatike për Greqinë, megjithatë prokurorët e lartë kishin argumentuar kundër ekstradimit.
Vendimi i gjykatë është i formës së prerë dhe nuk mund të apelohet./ opinion.al
