Një burrë në Kinë, gruaja e të cilit vrau veten dhe dy fëmijët e tyre, pasi ai “shpiku” vdekjen e tij për një shumë parash nga sigurimet shoqërore, është dorëzuar në polici.
34-vjeçari u konsiderua i vdekur pasi makina e tij u gjet në një lumë, edhe pse trupi i tij nuk u gjet kurrë. Ai nuk i tha gruas së tij planin. Ajo besonte se ai kishte vdekur vërtëtë.
Më vonë gruaja u hodh në një pellg me fëmijët e saj pasi postoi një shënim vetëvrasës në internet.
Burri, i cili, ka mbetur anonim u kthye në polici në qarkun Xinhua në provincën Hunan të premten e kaluar. Ai është arrestuar me akuza për mashtrim të sigurimit dhe dëmtim të qëllimshëm të pronës, njoftoi policia Xinhua.
Sipas një raporti nga radio shtetërore e Zërit të Kinës, gruaja e tij u emërua si përfituese. Më 19 shtator ai përdori një automjet të huazuar për të falsifikuar vdekjen e tij në një aksident automobilistik, tha policia. U zbulua se ai kishte kredi prej më shumë se 100,000 juanë. Më 11 tetor, trupat e gruas së tij 31 vjeçare, djalit katërvjeçar dhe vajzës trevjeçare u gjetën në një pellg pranë shtëpisë së tyre.
Në një shënim për vetëvrasje të postuar në ËeChat, ajo shkruante se ajo po shkonte për ta “shoqëruar” atë, duke shtuar se ajo “kishte dashur vetëm që familja jonë të ishte së bashku”, shtoi Zëri i Kinës.
Ai postoi një video në internet, e cila më vonë qarkulloi gjerësisht, në të cilën qante duke thënë se kishte huazuar para për të paguar për trajtimin e vajzës së tij trevjeçare, e cila vuante nga epilepsia. Incidenti është folur gjerësisht në të gjithë mediat sociale kineze gjatë javës së kaluar, duke shkaktuar biseda rreth presioneve financiare dhe çështjeve familjare./Opinion.al
Burimi: BBC
