“Nuk e di nëse duhet ta besoj këtë lajm të tmerrshëm apo jo”. Kështu është shprehur gruaja e Navalny pas lajmit të vdekjes së liderit të opozitës ruse.
Duke folur në Konferencën e Sigurisë në Mynih, Yulia Navalnaya tha se lajmi për vdekjen e burrit të saj deri më tani erdhi vetëm nga burime shtetërore.
“Ne nuk mund t’i besojmë vërtet Putinit dhe qeverisë së tij,” thotë ajo.
Më pas ajo shton se nëse lajmi për vdekjen e burrit të saj është i vërtetë, Putini dhe aleatët e tij duhet të mbajnë përgjegjësi personale për të dhe për gjithçka që “po i bëjnë Rusisë”.
“Unë po i kërkoj të gjithëve që janë këtu të bashkohen dhe të ndihmojnë në ndëshkimin e regjimit rus,” thotë Navalnaya.
