Në vitin 1984 shkëlqeu Michel Platini, ndërsa Zinedine Zidane në vitin 1998 – tani Antoine Griezmann mund të jetë heroi i Francës në “Euro 2016”.
Djemt e Didier Deschamps janë larg vetëm 90 minuta nga finalja e Kampionatit Europian, duke mposhtur deri më tani Republikën e Irlandës dhe Islandën në fazën e eliminimit direkt.
Deschamps ka kërkuar nga ekipi i tij që ta shkruajnë historinë e tyre dhe do të tentojnë që sot në Marseille ta mposhtin Gjermaninë. Griezmann shihet si njeriu i duhur që mund t’i prijë Francës drejt synimit për ta fituar Euro 2016.
“Në Kupën e Botës 2014, ai tregoi se ka talent”, ka thënë Philipp Lahm, kapiten i pensionuar i Gjermanisë. “Që prej asaj kohe ai ka fituar përvojën për të qenë lojtar i jashtëzakonshëm. Ai është përmirësuar vazhdimisht dhe sot është njëri prej sulmuesve më të mirë europian”./telegrafi/
