E imagjinoni dot sikur Grida Duma të quhej Grida Suma? Epo në fakt politikania i ka shpëtuar këtij mbiemri falë një vendimi të paraardhësve të saj.
Nëse mendoni se deputetja e PD-së ka ndryshuar mbiemër, vetëm për shkak se ka një kuptim të pahijshëm, atëherë na sqaron një herë e mirë që nuk është kjo arsyeja.
“Kam lexuar që tallen me faktin që mbiemri im ka qenë Suma dhe është bërë Duma. Familja ime ka patur mbiemrin Suma, një familje e madhe dhe e kanë ndërruar mbiemrin kur zbritën në Durrës. Bëhet fjalë për 3-4 shekuj përpara kur kishte gjakmarrje, pra për t’u ruajtur”, tha deputetja e ftuar në emisionin “Dritare me Rudinën”.
Shumë mund të vijojnë ta përdorin mbiemrin e saj si një mënyrë për ta ofenduar, por Grida është e vendosur që t’i fshijë komentet negative nga mendja e saj.
“Sa here merren me mua si person, jam përpjekur të mos bëhem si viktimë se jam grua. Nuk kam kërkuar mëshirë”, tha Grida.
