Kryesore

VIDEO/ Greqia mposht Kosovën, dardanëve iu kushtojnë gabimet


Bëhu pjesë e Grupit Zyrtar të Opinion.al
>> KËTU <<
               Publikuar në : 22:43 - 06/09/20 |
Al Do

Greqia ka mposhtur Kosovën në ndeshjen e vlefshme për Ligën e Kombeve të UEFA.

Takimi i luajtur në stadiumin “Fadil Vokrri” të Prishtinës ka përfunduar me rezultatin 1-2 për miqtë.

Helenët kaluan në avatazh në minutën e tretë me Limnios.

Disa minuta më vonë Zeneli kishte një mundësi të artë para portierit Barkas por nuk arriti të barazonte. Në fund të pjesës së parë Kosova pati disa raste për gol por grekët arritën të ruanin avantazhin.

Me fillimin e pjesës së dytë mbrojta e Kosovës u kap në befasi nga një top i gjatë i nisur nga mezi i fushës. Mbrojtësi grek Siovas kontrolloi topin i pashqetësuar në mes të zonës dhe e dërgoi atë në rrjetë.

Kundërpërgjigja e dardanëve do të vinte në minutën e 82’ me Valon Berishën i cili përfitoi nga një pakujdesi e portierit të Greqisë dhe dërgoi topin në rrjetë me një veprim të bukur akrobatik.

Megjithatë grekët dolën me 3 pikë në fund të ndeshjes.

Pas dy ndeshjeve në Ligën e Kombeve, Kosova ka një pikë të marrë me Moldavinë dhe ndodhet në vendin e tretë në grup./ Opinion.al

 

Pas