Radhë të gjata raportohen sot në dy pikat doganore të Shqipërisë me Greqinë, Kakavijë dhe Kapshticë. Në të dy doganat lejohen të hyjnë në territorin grek vetëm shtetasit me pasaportë greke dhe të vendeve të tjera të Bashkimit Europian. Pra pengohen të gjithë shtetasit me pasaportë shqiptare.
Pala greke ka thënë se bëhet fjalë për një defekt në sistemin kompjuterik dhe mijëra qytetarë po presin për të kaluar kufirin që prej mbrëmjes së djeshme.
Nuk është e qartë se sa qendron prentendimi i grekëve për defekt teknik, kur të bllokuar në doganë janë vetëm shtetasit shqiptar. Mes tyre jo vetëm udhëtarë por edhe biznese që transportojnë mallra me kamionë. Në media flitet edhe për një hakmarrje të grekëve për zhvillimet në Himarë, ku po prishen disa banesa për tu ndërtuar shëtitorja buzë detit. /Opinion.al
