Kryeministri grek, Kyriakos Mitsotakis, gjatë një deklarate ditën e sotme, ka thënë se vaksinimi kundër Covid-19, do të bëhet me detyrim për personat mbi 60 vjeç.
“Grekët mbi moshën 60-vjeçare duhet që patjetër të përcaktojnë oraret për dozën e parë deri më 16 janar”, ka thënë kryeministri grek.
“Tani e tutje, vaksinimi i tyre është i detyrueshëm”,-ka shtuar ai.
Kjo masë do të duhet të votohet në parlament, ka thënë ai, ndonëse ligjvënësit pritet të votojnë në të mirë të vendimit.
Çdo individ mbi moshën 60 vjeç që nuk është i vaksinuar do të përballet me një gjobë prej 100 eurosh dhe vendim do të nisë të zbatohet nisur nga 16 Janari.
Sipas kreut të shtetit grek kjo masë do të thotë mbrojtje dhe jo ndëshkim.
Kryeministri grek, Kyriakos Mitsotakis tha se vendimi ishte i vështirë, por i nevojshëm për të mbrojtur më shumë se gjysmë milioni grekë.
“Ne jemi duke fokusuar përpjekjet tona në mbrojtjen e qytetarëve tanë dhe për këtë arsye vaksinimi i tyre do të jetë i detyrueshëm tani e tutje”.
Rreth 63% e popullsisë të Greqisë është plotësisht e vaksinuar. Sipas të dhënave të Ministrisë së Shëndetësisë rreth 520,000 njerëz mbi moshën 60 vjeç nuk janë vaksinuar./Opinion.al
