Një operacion i madh antidroge është zhvilluar mbrëmjen e djeshme në Greqi, teksa konfirmohet se janë sekuestruar 300 kg kokainë.
Bëhet me dije se operacioni policor i zhvilluar në Selanik, ishte me urdhër nga Prokuroria e Anti-Drogës në Selanik dhe DEA amerikane.
Sipas mediave greke në pranga kanë rënë 3 persona të cilët ishin të përfshirë në rrjetin kriminal, ku theksohet se ishin pjesë e një bande trafikantësh shqiptaro- serb. Kjo bandë e kishte qendrën në Athinë, ndërsa drogën e shpërndante në të gjithë ishujt e vendit fqinj.
2 prej të arrestuarëve mendohet se janë shqiptarë, por identiteti i tyre nuk bëhet ende me dije. Një person tjetër ka mundur t’i shpëtojë Policisë duke u hedhur nga ballkoni, por ai tashmë është i identifikuar./Opinion.al
