Një ngjarje e rëndë ka ndodhur ditën e sotme në ishullin e Kretës, ku një 3-vjeçar shqiptar humbi jetën gjatë kohës që po luante rreth pishinës.
Mediat greke bëjnë me dije se fëmija u mbyt në pishinë teksa i ati ishte duke punuar pranë banesës.
Sipas informacioneve, fëmija është nxjerrë pa ndjenja nga pishina pak kohë pasi kishte rënë brenda.
Në vendngjarje kanë shkuar menjëherë ndihma mjekësore, të cilët e kanë gjetur vogëlushin në gjendje kome dhe më pas e kanë transportuar me urgjencë drejt spitalit të Chanias.
Fatkeqësisht 3-vjeçari nuk arriti të mbijetonte edhe pas përpjekjeve të shumta të ekipit mjekësor. Ndërkohë, policia po punon për zbardhjen e plotë të rrethanave të ngjarjes.
