Greqia vijon të raportojë shifra të larta të viktimave dhe rasteve të reja me COVID-19.
Autoritetet shëndetësore në vendin fqinj raportojnë se në 24 orët e fundit kanë humbur jetën 55 qytetarë, teksa janë regjistruar dhe 2,167 raste të reja me COVID-19.
Në total, numri i të infektuarve që nga fillimi i pandemisë shkon në 371.693, prej të cilëve kanë humbur jetën 11,266 qytetarë.
Numri i pacientëve të intubuar sipas raportimeve është 683, mosha e tyre mesatare është 67 vjeç. Numri i të shtruarve në spitalet Covid është 293.
Numri mesatar i të shtruarve në shtatë ditë është 346 pacientë. Mosha mesatare e rasteve është 44 vjeç, ndërsa mosha mesatare e atyre që kanë ndërruar jetë është 78 vjeç./ Opinion.al
