TIRANE- “Je një gënjeshtar i paskrupullt, nuk pres që të më kërkosh falje. Je frikacak i madh prandaj i mban afër kriminelët duke i sjellë aty në Parlament”. Kështu u shpreh Albina Deda, deputetja demokrate që u ofendua nga Rama në sallën e parlamentit.
Gratë demokrate protestuan sot para selisë së qeverisë për shkak të ofendimeve që u ka bërë grave.
“Vota jonë nuk mund të jetë vota arrogante ku Edi Rama shpreh inatin. Sa më shumë Rama fshihet pas fjalëve, aq më shumë vërteton të kundërtën. Rama jo vetëm është dhunues i grave, por është edhe si nxitës i dhunës ndaj grave”, tha ndër të tjera deputetja Albana Vokshi. Protesta shoqërohej nga kënga e Beyonce, “If i ëere a boy”, si një mesazh për kryeministrin Rama nga gratë e opozitës, ‘sikur të isha djalë’.
