TIRANË- Dje raportuam për një grabitje në mes të Tiranës ku një grua e re në moshë kishte mbetur e plagosur me biçak. Nuk ishte asgjë tjetër veç një triller që kishte për regjisore “viktimën” e ngjarjes.
Nga hetimet në polici është mësuar se një 29 vjeçare, Jonida Fero, financiere në bankë sajoi grabitjen. Fero, nënë e një fëmije 4 vjeç ka treguar se i kishte marrë 1 milion lekë të atit, por ia kishte dhënë të dashurit i cili kishte lënë peng makinën në kazino. Ajo ka dëshmuar se e kishte të vështirë t’i tregonte babait për mungesën e parave dhe kishte sajuar historinë e grabitjes. /Panorama/
