Aktualitet

Grabitja e 6.5 mln eurove, policia kërkon ndihmën e grekëve


               Publikuar në : 18:30 - 20/04/19 |
geliano fataj

Policia e Shtetit ka ngritur “duart lartë” sa i përket identifikimit të grabitësve të tjerë, ndërsa ka këkruar ndihmë nga homologët e tyre grek.

Në shtetin helen u dërguan për ekzaminim prova materiale si doreza, maska, shenja gishtërinj, nga ku pritet të përftohen edhe profilet e ADN-së, me shpresë se mund të zbulohet edhe identiteti i tyre.

Këto prova të vlefshme, siç thotë policia janë gjetur në fugonin me mbishkrimin “Hetimi Tatimor” që nuk u arrit të digjej nga grabitësit.

E njëjta procedurë, por në mënyrë të përshpejtuar, u krye edhe për identifikimin e Admir Murataj, i cili mbeti i vrarë gjatë përplasjes me armë me uniformat blu në fshatin Tapizë. Ishin autoritete greke që konfirmuan fillimisht nëpërmjet profilit të ADN-së, se trupi i pajetë i përkiste pikërisht 46-vjeçarit Murataj.

Ndërkohë Prokuroria e Krimeve të Rënda nis javën e ardhshme marrjen në pyetje të zyrtarëve të aeroportit të Rinasit për grabitjen e parave mesditën e 9 Prillit. Hetuesit gjatë këtyre ditëve kanë administruar dokumentacionin dhe praktikën e mdjekur në aeroportin e Rinasit ditën kur ndodhi grabitja./Opinion.al

Pas