TIRANË- Gjykata e Tiranës vendosi të lërë në burg pa afat 5 punonjësit e kompanisë private, të cilët po shoqëronin 3.8 mln eurot drejt Rinasit, me automjetin që u grabitën në zonën e Kasharit mesditen e se enjtes.
Trupi gjykues caktoi masën e sigurisë arrest me burg për administration e Agjencisë Rogat 1, Artan Mane, përgjegjësin e grupit të shoqërimit, Alban Sharra, si dhe tre shoqëruesit e ngarkesës, Agron Ademi, Eduart Metollari dhe Niko Prifti. Ndërsa për Agron Llohan vendosi masën “arrest shtëpie”.
Asnjëri prej të dyshuarve , nuk e ka pranuar akuzën për ” shpërdorim detyre”. Ata kane thene para trupit gjykues se nuk kishin mundësi të reagonin, pasi grabitësit ishin të armatosur dhe kanë qëlluar në drejtim të tyre.
Gjatë marrjes në pyetje në polici të 5 rojet privatë kanë thënë se grabitësit kanë qënë të veshur me uniforma policie dhe u kane bërë shenjë që të ndalojnë.
Në këtë momet thonë ata janë kërcënuar me armë dhe xhamat e mjetit të blinduar ku ndodheshin paratë janë thyer me mjete të forta. Pasi moren parate, grabitesit e dogjen makinen e tyre jo shume larg vendit te ngjarjes dhe besohet se jane larguar me nje tjeter automjet. Deri tani policia nuk ka mundur te bjere ne gjurmet e tyre. /Tvklan/
