Ministrja e Transportit dhe Energjetikës, Belinda Balluku, ka reaguar përsëri në lidhje me grabitjen e ndodhur ditën e djeshme në aeroportin e Rinasit.
Balluku ka reaguar pas deklaratës së “Tirana International Airport (TIA)”, ku thuhej se koncesionari ka qenë korrekt në përmbushjen e detyrave, si dhe është rritur siguria pas ngjarjes së ndodhur 3 vite më parë.
Ministrja shprehet se koncesionari kinezë jo vetëm që është i papërgjegjshëm, por nuk percepton as dëmin që i ka shkaktuar Shqipërisë.
Balluku, teksa thotë se koncesionari nuk ka treguar etikë profesionale, thekson se hetimet do të vijojnë që të zbardhen të gjitha rrethanat e ngjarjes.
“Në situatën e rëndë që i është krijuar aviacionit civil shqiptar për shkak të ngjarjes së datës 9 prill, në situatën ku është cenuar siguria kombëtare dhe si rrjedhojë edhe ajo ndërkombëtare pasi aviacioni është një sektor pa kufij, reagimi i koncesionarit kinez tregon jo vetëm papërgjegjshmëri, po dhe mosperceptim të demit që ka shkaktuar për vendin.
Diskrecioni është element sigurie padyshim në aviacion, por jo ditën kur keqbërësit aksesojnë territorin e aeroportit të vetëm ndërkombëtar, pa asnjë pengesë apo mund për të depërtuar në pak sekonda deri tek shkallët e avionëve të mbushur me pasagjerë.
Që shteti shqiptar, që vetë shqiptarët të dëgjojnë sot thirrje për respektim të hetimeve nga koncesionari, i cili nuk respekton asnjë etike profesionale të fushës ku ka vendosur të lëvroj aktivitetin është jo vetëm fyese po edhe revoltuese për secilin prej nesh”.
Më herët ka reaguar ministri i Brendshëm, Sandër Lleshaj, ministrja e Mbrojtjes, Olta Xhaçka dhe Kryeministri Edi Rama, të cilët fajsojnë koncesionarin për siguroinë e dobët të aeroportit “Nënë Tereza”,-tha Balluku./ Opinion.al E.Xh.
