Kronikë

Grabiti zyrën e kredisë me pistoletë lodër, kapet i riu, i gjenden paratë


Bëhu pjesë e Grupit Zyrtar të Opinion.al
>> KËTU <<
               Publikuar në : 17:13 - 29/12/21 |
Opi Nion

Një 30-vjeçar është arrestuar sot në Korçë pasi nën kërcënimin e një pistolete lodër grabiti një sasi parash në një zyrë të dhënies së kredive. Ngjarja ka ndodhur në lagjen nr 7 të qytetit të Korçës, ndërsa policia identifikoi dhe vuri në pranga në një hark të shkurtër kohor autorin e ngjarjes.

Gjatë kontrollit fizik autorit iu gjet dhe shuma e parave e grabitur prej 5000 lekësh.

“Sekuestrohet pistoleta lodër dhe sasia e parave të vjedhura. Shërbimet e Komisariatit të Policisë Korçë, rreth orës 15:45, pas marrjes së informacionit se në lagjen nr. 7, Korçë, në një zyrë e cila shërben për dhënie kredie, kishte hyrë një shtetas i paidentifikuar, i cili duke kërcënuar me një mjet në dukje si pistoletë, kishte marrë një vlerë monetare dhe më pas ishte larguar me shpejtësi, organizuan punën për identifikimin dhe kapjen e tij. Falë reagimit në kohë, rrethimit të zonës dhe informacioneve të marra u bë i mundur identifikimi, lokalizimi, kapja dhe arrestimi i autorit të dyshuar, shtetasit B. A., 30 vjeç, banues në fshatin Vashtëmi, Maliq. Gjithashtu shërbimet e policisë, gjatë kontrollit fizik të autorit, i gjetën një pistoletë lodër dhe shumën prej 5000 lekë të vjedhura”, njofton policia.

Materialet do t’i kalojnë Prokurorisë së Rrethit Gjyqësor Korçë, për veprime të mëtejshme.

Pas