“Google Street View” është aplikacioni më i përdorur për sa i përket lokalizimit të vendndodhjeve. Fotot reale që makina e Google mundëson për përdoruesit, jo rrallëherë kanë fiksuar pamje të pazakonta. Nga skenat e seksit në ambiente publike, deri te fantazmat apo sherret.
Një rast i tillë është kapur edhe në një rrugë të kryeqytetit tonë. Në rrugën “Violeta Manushi” në Tiranë, në momentin kur është fiksuar pamja, ka qenë duke ndodhur një sherr i dhunshëm. Siç duket edhe nga pamjet, janë përfshirë 2 persona të cilët po konfliktohen ashpër me njëri-tjetrin. Nga pamjet njëri prej tyre shfaqet pa bluzë, dhe zbathur, çka tregon se sherri ka qenë tepër i dhunshëm. Në pamje duken edhe dy vajza, të cilat përpiqen të zbusin gjakrat mes djemve.
