Një 39-vjeçar është arrestuar nga policia pasi në bashkëpunim me një person tjetër ka goditur një punonjës të policisë së Pikës së Kalimit Kufitar Bllatë.
Uniformat blu bëjnë me dije se në pranga ka rënë shtetasi A.V., i cili ka goditur për shkak të detyrës një punonjës të policisë kufitare.
39-vjeçari akuzohet për veprën penale “Goditje për shkak të detyrës”.
“Goditi, për shkak të detyrës, punonjësin e Policisë, kapet dhe ndalohet 39-vjeçari. Shërbimet e policisë së Drejtorisë Vendore të Policisë Dibër, ndaluan shtetasin A. V., 39 vjeç, banues në fshatin Kllobçisht, Dibër, i shpallur në kërkim për veprën penale “Goditje për shkak të detyrës”. Ndalimi i tij u bë pasi në bashkëpunim me një shtetas tjetër, ka goditur për shkak të detyrës, një punonjës policie të Pikës së Kalimit Kufitar Bllatë, gjatë kohës që ky i fundit ka qenë i angazhuar për kontrollin e territorit, në kuadër të parandalimit dhe goditjes së veprimtarisë kriminale të kultivimit të bimëve narkotike”,-njoftoi policia./Opibion.al
