Një 74-vjeçar është arrestuar nga policia në Lushnje, pasi ka qëlluar me thikë një 50-vjeçar, i cili ndodhet në gjendje të rëndë.
Policia ka bërë të ditur se personi i arrestuar është shtetasi me inicialet T. D., 74 vjeç, banues në fshatin Ngurrëz e Vogël, Lushnje.
Njoftimi
Specialistët për hetimin e krimeve në Komisariatin e Policisë Lushnje, pas njoftimit të marë se në fshatin Ngurrëz e Vogël ka pasur një konflikt mes 2 shtetasve, menjëherë shkuan në vendngjarje dhe bën arrestimin në flagrancë të shtetasit:
T. D., 74 vjeç, banues në fshatin Ngurrëz e Vogël, Lushnje.
Arrestimi i këtij shtetasi u bë pasi në fshatin Ngurrëz e Vogël, për motive të dobëta ka goditur me sende të mprehta (thikë), duke plagosur rëndë shtetasin I. S., 50 vjeç, i cili u dërgua në Spitalin e Traumës Tiranë, për mjekim më të specializuar.
U sekuestrua në cilësinë e provës materiale thika me të cilën autori ka goditur shtetasin I.S.
Materialet i kaluan Prokurorisë pranë Gjykatës së Shkallës së Parë Lushnje për veprën penale “Vrasje e mbetur në tentativë”.
