Një 31-vjeçar, banues në Memaliaj, është arrestuar në flagrance, pasi ka goditur për shkak të detyrës, një punonjës policie. Bëhet fjalë për shtetasin me inicialet D. M.
Ndërkaq, një 59-vjeçar është larguar nga parkimi i Degës Doganore në PKK Kakavijë, pa kryer procedurat doganore dhe si rrjedhojë është shpallur në kërkim.
Njoftimi i policisë
Specialistët e Seksionit për Hetimin e Krimeve të Stacionit të Policisë Memaliaj arrestuan në flagrancë shtetasin D. M., 31 vjeç, banues në Memaliaj, pasi ka goditur për shkak të detyrës, një punonjës policie.
Specialistët për Hetimin e Krimeve Ekonomiko-Financiare shpallën në kërkim shtetasin P. T., 59 vjeç, banues në Kurjan, Fier, pasi është larguar nga parkimi i Degës Doganore në PKK Kakavijë, pa kryer procedurat doganore.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
