POGRADEC- Familjarët e Mariglen Dervishllarit, i cili është vrarë në Siri, thonë se e dinin që ai kishte vdekur nga leucemia.
Ata rrefejnë se 27-vjeçari ishte kthyer i plagosur nga konflikti dhe pasi u kurua në Tiranë shkoi sërish në Siri bashkë me gruan dhe dy fëmijët, por prindërve u tha se po shkonte ne France.
Për vdekjen e Maringlen Dervishllarit, familja e tij është njoftuar dy herë brenda një viti. Nëntorin e vitit të kaluar u njoftua se i riu nga fshati Rrëmenj i Pogracedit kishte vdekur nga leucemia. Të hënën, nga lajmet e televizionit Klan mësuan se ai u vra në Siri.
Familjarët tregojnë se Marigleni kishte qëndruar me shumë se 1 viti në këtë vend për të mësuar gjuhën arabe dhe ishte kthyer i plagosur prej andej. Pasi u kurua ai mori gruan dhe fëmijet dhe familjarëve u tha se do shkonte në Francë,por në fakt u kthye sërish në Siri.
Të afërmit e 27 vjeçarit nuk e shpjegojnë dot largimin. Thonë se ai ishte një besimtar i devotshëm aq sa kishte grisuar të gjithë fotografitë e tij. Meraku i familjes mbeten fëmijët dhe gruaja e Maringlenit.
Hoxha i xhamisë së fshatit Rrëmenj thotë se, nuk i kupton arsyet e largimit. Por e di qe i riu ishte përgjigjur thirrjes për të ndihmuar myslimanet e Sirisë.
Sipas imamit, deri tani në Siri kanë shkuar tre besimtarë, dy prej të cilëve kanë humbur jetën. /tvklan/
