Pasi Gjykata e Beratit e njohu me masën e sigurisë “burg pa afat” Natasha Rombula shfrytëzoi momentin e daljes nga dyert e gjykatës për të folur për mediat.
“Jam gjyshe heroinë”, është shprehur ajo.
E shoqëruar nga uniformat blu teksa ka lënë ambientet e gjykatës për të shkuar në paraburgim, Natasha i ka akuzuar policët si “kriminelë” dhe e revoltuar ka thënë se “ka rritur nipin”.
Ajo u arrestua ditën e djeshme me akuzën se shfrytëzonte nipin 10-vjeçar për klikime në rrjetet sociale e po ashtu pas hekurave u vu dhe babai i të miturit, Armando Kumaraku.
Djali u nxorr në video live në TikTok nga babai i tij dhe gjyshja me qëllim rritjen e audiencës dhe përfitimin e më shumë të ardhurave.
Kujtojmë se denoncimi ishte bërë nga nëna e 10-vjeçarit.
