TIRANË- Një tjetër hije skandali me dekoratat e ish-persekutorëve dhe gjyqtarëve të komunizmit shfaqet sot. Gjyqtarja, Fatmira Laska, e cila dënoi me vdekje poetin antikomunist, Havzi Nela ka marrë çmimin “Toga e Artë 2015” akorduar nga Shoqata e Avokatëve Penalistë.
Reagimi ka qenë i menjëhershëm. Bashkëshortja e poetit, Lavide Nela tha se priste që të dënohen xhelatët e Havziut e jo të dekorohen. Ajo ka shtuar se Laskaj dhe ata që firmosën për varjen në litar të poetit antikomunist duhet të kërkonin falje.
Më 24 qershor 1988, trupa e Gjykatës së Lartë: Fehmi Abdiu, Vili Robo dhe Fatmira Laskaj dënuan me varje poetin kuksian Havzi Nela.
Miratimi përfundimtar i dënimit me vdekje nga Kryetari i Presidiumit të Kuvendit Popullor, Ramiz Alia, çoi në ekzekutimin Havzi Nelës me varje publike me 10 gusht të 1988 në qytetin e Kukësit.
Ne foto: Poeti Havzi Nela
