Sokol Ibi gjyqtarë në Gjykatën Administrative në Korçë është vënë në “sitën” vettingut. Hetimi ndaj Ibi është bërë sipas procedurës në tre kritere, të pasurisë, pastërtisë së figurës dhe aftësive profesionale.
Përsa i përketë pasurisë së gjyqtarit, ILDKPKI ka konstatuar në raportin e saj se deklarimi është i saktë dhe në përputhje me ligjin, ka burime të ligjshme, nuk ka kryer deklarim të rremë dhe nuk ndodhet në kushtet e konfliktit të interesit.
Gjyqtari administratives në Korçë, ka një banesë 127 metra katrorë, si dhe tokë bujqësore në zonën e Pogradecit. Por, nga hetimii kryer nga KPK, konstatohet se Sokol Ibi nuk ka deklaruar një tokë bujqësore, si dhe ka mospërputhje në deklarime, për blerjen e pronës bujqësore dhe një banese.
Nga hetimi i KPK, është zbuluar gjithashtu se gjyqtari i Korçës ka bërë dy kontrata shit-blerje për pronën, njëherë në vlerën 100 mijë lekë, njëherë 145 mijë lekë. Ndërkohë, duhet theksuar se në kontratën e dytë secila nga pasuritë është e detajuar. Po ashtu, Në lidhje me kriterin e figurës, DSIK, ka dorëzuar një raport me konstatimin se subjekti është i përshtatshëm për vazhdimin e detyrës.
Për gjyqtarin Ibi janë analizuar 8 denoncime të ardhura nga qytetarët pranë KPK dhe ONM. Një ndër këta denoncime është anonim. Komisioni i ka kërkuar shpjegime gjyqtarit për të gjitha këto denoncime, shpjegimet do të merren parasysh në marrjen e vendimit nëse gjyqtari do e kaliojë ose jo vetting-un./ Opinion.al E.Xh.
