Gjyqtarja e Apelit Administrativ, Alkelina Gazidede ka thënë dorëheqjen nga gjykimi i çështjes për pallatin 17-katësh tek Liqeni Artificial. Dorëheqja e saj u kërkua me forcë nga Kreu i Bashkisë Erion Veliaj. Ai deklaroi në emisionit Opinion të ditës së hënë se gjyqtarja ka lidhje familjare me biznesmenin që po ndërton objektin.
Ankelina Gazidede u tërhoq. Por kryebashkiaku Veliaj tha se nuk ishte dorëheqja e duhur.
Kryebashkiaku Veliaj e akuzoi gjykatën Administrative se kishte vendosur në fshehtësi mbi kërkesën e Bashkisë për ndryshimin e trupës gjykuese, për lejen e pallateve 17 katëshe.
Sipas Kryetarit të Bashkisë së Tiranës, leja për 5 pallatet 17 katëshe poshtë digës së liqenit duhet të anullohet, pasi bordi i digave e ka vlerësuar atë të papërshtatshëm dhe një rrezik për jetën e banorëve.
Kryetari i Bashkisë protestoi sot para gjykatës ku morën pjesë përpos mbështetësve edhe shumë deputetë të PS-së.
Në këto kushte, gjykata Administrative e Apelit ka vendosur të shtyjë gjykimin në lidhje me lejen e pallatit 17-katësh pranë kodrave të Liqenit Artificial. Seanca tjetër gjyqësore të zhvillohet me 13 Maj.
/Opinion.al
