Ish-gjyqtarja e Krujës, Enkeleida Hoxha ka kërkuar sërish zbutje të masës së sigurisë. Ndërkohë mësohet se Gjykata e Posaçme ka rrëzuar për herë të tetë kërkesën e saj.
Sipas news 24, kërkesa e ish-gjyqtares Hoxha për masë më të butë u bë me argumentin se gjendja shëndetësore të fëmijëve të ish-gjyqtares nuk është e mirë. Përveç djalit të saj që ka probleme të shëndetit mendor, sipas akt ekspertizës, edhe vajza e saj e mitur ka shfaqur probleme psikologjike. Por në fund gjykata ka refuzuar sërish duke lënë në fuqi masën “arrest me burg”.
Sipas organit të akuzës gjyqtarja Enkeleida Hoxha dhe avokati Aldo Tabaku, në bashkëpunim me njëri-tjetrin kanë qenë pjesë e një skeme kriminale, ku favorizonin dhe lironin të burgosurit.
Dyshohet nga hetimet e kryera se shumat që jepeshin si ryshfet për gjyqtaren shkonin deri në 12 mijë euro. SPAK ka të provuar dy raste të korrupsionit me këtë skemë.
Në dosje janë disa përgjime me audio dhe video që implikojnë të hetuarit, ndonëse ata i kanë mohuar akuzat para trupit gjykues./Opinion.al
