Gjykata e Tiranës i ka komunikuar sot masën e sigurisë “arrest me burg” Orges Bilbilit.
Ky i fundit u prangos dy ditë më parë në Tiranë pasi nuk iu bind urdhrit të policisë për të ndaluar.
Në përpjekje për t’i shpëtuar efektivëve ai i drejtoi njërit prej tyre pistoletën por kjo solli reagimin e policit i cili e qëlloi duke e plagosur në këmbë.
Bilbili u ndalua në një kontroll rutinë për lejen e qarkullimit në kuadër të zbatimit të masave kundër koronavirusit.
Masa e sigurisë e marrë sot nga Gjykata e Shkallës së Parëe Tiranës i është komunikuar atij në Spitalin e Traumës ku është shtruar për të kuruar plagën e marrë gjatë momentit të arrestimit.
Bilbili dyshohet si i përfshirë në të paktën 2 vrasje në Lushnje dhe një sërë atentatesh si dhe trafik lëndësh narkotike. /Opinion.al
