Gjykata e Tiranës ka shpallur të pafajshëm ish-kreun e Gardës së Republikës, Ndrea Prendi, i cili akuzohej pwr shpërdorim detyre, së bashku me Artan Hoxhën.
Përfaqësuesi i Prokurorisë tha dje para gjyqtarit Lazër Sallaku se të pandehurit Ndrea Prendi dhe Artan Hoxha, kishin shpërdoruar detyrën kur kishin firmosur pagën mujore të ish-shefes së burimeve njerëzore, Jasini nga nëntori 2009 dhe në periudha disa mujore gjatë vitit 2010 dhe 2011.
Nga verifikimet e sistemit TIMS ka rezultuar se në periudha të ndryshme, një prej të cilave për 7 muaj me radhë, Jasini ka qenë jashtë Shqipërisë, duke mos qenë asnjë ditë në krye të detyrës.
Sipas prokurorisë, totali i pagave të përfituara nga ana e të pandehurës Jasini gjatë kohës që ajo nuk kishte qenë në detyrë ishte 660 mijë lekë.
Sipas prokurorisë, e pandehura është paguar gjatë kësaj periudhe përveç harqeve kohore kur i ishte dhënë leje e papaguara nga ana e drejtuesit të Gardës.
Pavarësisht këtyre, Gjykata shpalli të pafajshëm Prendin dhe Hoxhën, ndërsa Shqipe Jasimi u dënua me 1 vit burg dhe 2 vjet liri me kusht.
