Një krim i tmerrshëm ka ndodhur në rajonin e Orissas të Indisë ku një nënë është vrarë dhe copëtuar së bashku me katër fëmijët e saj. Pas krimit, autorët i kanë hedhur trupat në pus për t’u zbuluar disa ditë më vonë. Sipas CNN policia ka arrestuar gjashtë burra, 5 nga të cilët nga e njëjta familje me akuzën e vrasjes, ndërsa po hetohet për shkaqet e vërteta të krimit.
Ngjarja ka shokuar opinionin publik, ndërsa dyshohet se shkak i krimit është bindja që kjo familje kishte se gruaja ishte magjistare dhe ushtronte magji të zezë. Sipas burrave të kësaj familjeje, magjia shkaktoi sëmundjen e më pas vdekjen e vajzës së tyre 12-vjeçare.
Të bindur se dyshimi ishte i vërtetë mendohet se ata hynë në shtëpinë e saj duke e vrarë ate sëbashku me katër fëmijët, 1, 4, 7 dhe 12 vjeç.
Pas vrasjes, trupat e tyre u copëtuan dhe u hodhën në pus.
Këto krime janë thuajse të zakonshme në Indi, vetëm në vitin 2016, 134 njerëz janë vrarë nisur nga dyshimet se merreshin me magji./E.M
