Ministrja e Drejtësisë, Etilda Gjonaj ka bërë një bilanc të punë se ministrisë së saj para gazetarëve. Ajo ka folur për disa çështje, ndër të cilat edhe Reforma në Drejtësi.
Megjithëse njohu si rezultate të këtij viti ngritjen e SPAK dhe zgjedhjen e Prokurorit të Përgjithshëm, Gjonaj tha se periudha tranzitore e reformës ka zgjatur më shumë se ç’duhet.
“Ministria e Drejtësisë ka nisur reforma për të cilat presim rezultate për vitin 2020. Sa i përket reformës në drejtësi mendoj qe periudha tranzitore ka zgjatur më tepër se ç’duhet. Ky vit ka shënuar dy rezultate të rëndësishme, SPAK dhe zgjedhja e Prokurorit të Përgjithshëm”, tha Gjonaj.
Ajo shtoi gjithashtu se viti 2020 do të na gjejë me Gjykatë të Lartë, e cila sipas saj është vonuar për shkak të kompleksitetit të kontrollit të kandidatëve. Ndërsa për Gjykatën Kushtetuese, Gjonaj tha se pritet përgjigjja nga Komisioni i Venecias për pyetjet e Kuvendit.
“Ka ende punë , presim ngritjen e Gjykatës së Lartë, ky proces është vonuar pak edhe për shkak të kompleksitetit dhe kontrollit të kandidatëve. Fillimi i 2020 do na gjejë me Gjykatë të Lartë, dhe kjo do ulë stokun. Përsa i takon Gjykatës Kushtetuese, besoj shumë shpejt Kuvendi do t’i cojë Komisionit të Venecias pyetjet. Duke shpresuar që kjo gjë qe zgjidhet sa më shpejt, që Gjykata Kushtetuese të funksionojë sa më shpejt.”, tha ajo.
Kujtojmë se sesioni i Komisionit të Venecias do të zhvillohet të Mars të vitit 2020.
Gjonaj preku dhe cështjen e kërrcënimit të drejtorit të burgjeve Agim Ismaili. Ajo ka deklaruar se regjimi 41 Biss do të ofrojë mbrojtje për drejtorët e burgjeve nga kërcënimet nga të dënuarit. Kjo do të thotë krijimi i një structure të re speciale të posaçme brenda strukturës së Drejtorisë së Burgjeve, për të shmangur mbrojtjen nga policia e cila ka shumë angazhime të tjera. /Opinion.al
