Vijojnë kontrollet për zbatimin e masave antiCOVID. Policia e Shtetit njofton se janë ndëshkuar me gjobë 659 qytetarë të cilët janë konstatuar pa maska mbrojtëse në 24 orët e fundit.
Autoritetet njoftojnë se po në 24 orët e fundit janë gjobitur me 1.000.000 lekë, 2 lokale në ambientet e të cilëve nuk respektoheshin protokollet e sigurisë antiCOVID.
Po ashtu, janë shoqëruar në ambientet e Policisë në të gjithë vendin, 6 shtetas që nuk kanë pranuar t’i tregojnë punonjësve të Policisë dokumentin e identifikimit. Pasi janë identifikuar ata janë ndëshkuar me gjobë 3.000 lekë dhe më pas janë lënë të lirë.
Ndërsa, gjatë kontrolleve, pas orës 22:00 janë konstatuar 11 qytetarë që lëviznin në rrugë pa arsye të domosdoshme, të cilët janë gjobitur me 10.000 lekë secili./Opinion.al
