Vijojnë kontrollet në vend për zbatimin e masave anti-COVID. Policia e Shtetit ka ndëshkuar me gjobë 1579 qytetarë që u konstatuan pa maskat mbrojtëse, gjatë fundjavës.
Gjithashtu, gjatë kontrolleve, shërbimet e Policisë kanë konstatuar dhe ndëshkuar me gjobë 1.000.000 lekë, 1 lokal në ambientet e të cilit nuk respektoheshin protokollet e sigurisë.
Ndërsa, janë shoqëruar në ambientet e Policisë në të gjithë vendin, 10 shtetas që nuk kanë pranuar t’i tregojnë punonjësve të Policisë dokumentin e identifikimit, të cilët pasi kanë paraqitur dokumentin e identifikimit, janë ndëshkuar me gjobë 3.000 lekë dhe më pas janë lënë të lirë.
Po gjatë fundjavës kanë thyer orën policore 7 qytetarë, të cilët janë gjobitur me 10.000 lekë secili./ Opinion.al
