TIRANË- Besimir Karaj, inspektori i Policisë Bashkiake, emri i të cilit figuron në gjobën që Bashkia e Tiranës i vuri Partisë Demokratike për protestën, ka kallëzuar penalisht eprorët e tij për falsifikim të firmës. Ai ka thënë në Prokurorinë e Tiranës se nuk e ka përpiluar ai gjobën dhe se blloku i gjobave i ishte marre nga Shefja e Kabinetit të kryetarit të Bashkise, Erion Veliaj.
Ai tha në prokurori deklarimin e tij në lidhje me gjobën që Bashkia i vendosi Partisë Demokratike, pas protesëtës së 8 Dhjetorit.
Karaj thotë se në datën 8, diten e protestes se opozites, ka qënë turni i dytë në punë dhe se me dorën e tij nuk e ka firmosur gjobën. Madje, per te provuar se ai nuk e ka vene nje gjobe te tille, Karaj thote se eshte ne dijeni te faktit qe ligji nuk i lejon policise bashkiake që të vendosi gjoba më të mëdha se 50 milion lekë të vjetra.
Besimir Karaj ka treguar ne prokurori, gjatë kallëzimit, se ditën e protestës blloku i gjobave i është marrë dhe i është dërguar shefes së kabinetit të kryetarit të Bashkisë, moment për të cilin dyshon se është plotësuar gjoba me gjeneralitetet e tij.
Pas kallëzimit të Karajt prokuroria pritet të marrë në pyetje edhe zyrtarët e Bashkisë që ai ka përfshirë në denoncimin e tij, si persona te dyshuar i kane falsifikuar firmen.
Gjoba 16.3 milione leke perfshin demtimin e disa pemeve, pllakave dekorative, ndotjen nga plehrat dhe urinimet e protestuesve.
Besmir Karaj është djali i kryetarit të PD –së së Fushë – Krujës. /tvklan/
