Bashkia e Gjirokastrës ka ofruar strehim të përkohshëm në konviktin e shkollës pedagogjike për të gjithë banorët që preken nga rreziku i shembjes së pallatit 7-katësh në lagjen kodra e Shtufit.
Banorët u pritën nga kryetarja e bashkisë Zamira Rami, e cila i tha atyre se është plotesisht në mbeshtetje të tyre në ketë situatë të veshtire që po kalojnë.
Ajo kërkoi nga banorët të respektojnë vendimin për të mos u kthyer në shtëpi deri në stabilizimin e gjendjes dhe ndërhyrjeve inxhinerike.
Sa i perket institucionit të bashkisë që prej diës së sotme ka nisur vlerësimi i dëmeve në tre apartamente të cilat janë prekur nga shkarja e masivit të dheut .
Po ashtu bashkia e Gjirokastrës nisi edhe disiplinimin e ujërave sipërfaqesore një masë kjo që i shërben më pas ndërhyrjeve që do të ndërmerren.
Lidhur me kërkesën drejtuar kryeministrit të vendit ende nuk ka një përgjigjie ndërsa banoret i kanë shprehur kryebashkiakes pamundesinë e tyre ekonomike për të rindërtuar gjithçka humbën.
