Gjiknuri-Berishës: Nuk mbaj erën e m…që bëtë Ju

TIRANË- Opozita i kërkoi ministrit të Energjetikës, Damian Gjiknuri të japë dorëheqjen pas kallëzimit të bërë një ditë më parë nga Kontrolli i Lartë i Shtetit për dëmin financiar prej 479 milionë euro të shkaktuar nga shmangia e arbitrazhit për marrëveshjen me CEZ-in.”Në kushtet kur e pranon që je nën hetim (kryetari i grupit tënd e pranoi) duhet të japësh dorëheqjen”, tha Edmond Spaho nga salla e Parlamentit. Në përgjigje të kësaj kërkese, ministri u shpreh se ky është një epilog i paralajmëruar. “Berisha në këtë sallë dekonspiroi KLSH-në dhe ish-ministrin e tij te cilit mbase i ka dhene premtimin se do e beje dikushi se duhet të punojë në konfidencialitet”. Në mungesë të ish-Kryeministrit Berisha në seancë plenare repliken e bëri kreu grupit të demokratëve, Edi Paloka. Ky i fundit u shpreh se “nuk e ka nxjerr Berisha raportin, por shihe aty brenda kush ta ka nxjerre dhe kush po ta përdor”. Reagon sërish Gjiknuri: “Ju keni bërë marrëveshje kulisash ne zyren e Berishës dhe keni falur dhe keni ulur ccmimin e energjisë dhe këtë dëm doni të na e faturoni ne. Ju po thoni se “m… e bëmë ne por erën e mbani ju që po e pastroni”, perfundoi Gjiknuri.