Pas tërheqjes së Paypal javën e shkuar, edhe Mastercard, Visa, eBay dhe Stripe janë tërhequr nga përpjekja e Facebook për projektin “Libra”.
Mercado Pago, një kompani pagesash në Amerikën Latine, po ashtu është tërhequr, duke lënë me Libran vetëm PayU, kompani holandeze.
Kjo shënon një goditje të rëndë për ambicjet e drejtuesve të rrjetit social, të cilët synonin që Libra të kthehej në monedhë ndërkombëtare për t’u përdorur në internet.
Drejtuesi i Facebook, Mark Zukerberg, do të diskutojë projektin “Libra” më 23 tetor me anëtarët e Komisionit të Shërbimeve Financiare nga kongresi amerikan.
Kongresmët kanë ngritur shumë pikëpyetje në lidhje me Libran, si për shembull rreziku i madh për të ofruar një platformë për pastrimin e parave./Opinion.al
