Përmes një postimi në rrjetet sociale, Kryeministri Rama shkruan se më datat 9, 10 dhe 11 Maj, në Durrës, Tiranë dhe Vlorë, do të zhvillohet gara sportive italiane Giro d’Italia.
Kryeministri citon se do të jenë 180 çiklistë profesionistë e kampionë nga e gjithë bota, të cilët do të garojnë në rrugët e Shqipërisë, për të vendosur, sipas tij vendin tonë në hartën e sportit dhe të emocioneve globale.
“Giro d’Italia është një mundësi e artë për promovimin e bukurive dhe traditave të Shqipërisë, për atraksionin e turizmit në vendin tonë përtej kufijve.
Një nga ngjarjet më të mëdha të çiklizmit botëror do të zhvillohet në datat 9, 10 dhe 11 Maj në Durrës, Tiranë dhe Vlorë
180 çiklistë profesionistë, kampionë nga e gjithë bota, do të garojnë në rrugët tona, duke e vendosur Shqipërinë në hartën e sportit dhe emocioneve globale, por edhe duke e promovuar si s’ka më bukur si një destinacion fantastik turistik”, shkruan Rama.
Ky është edicioni i 108-të i Giro d’Italia, ku do të marrin pjesë 23 skuadra.
