Gianni Infantino është rizgjedhur të enjten në kongresin e organit qeverisës të futbollit botëror, president i FIFA-s deri në vitin 2027.
Avokati 52-vjeçar zviceran, i cili pasoi Sepp Blatterin në vitin 2016, u rizgjodh ashtu si katër vjet më parë, nga delegatë nga 211 federatat anëtare.
“Ju dua të gjithëve”, u tha Infantino delegatëve në kryeqytetin e Ruandës.
Ndërsa statutet e FIFA-s aktualisht kufizojnë një president në një maksimum prej tre mandatesh katërvjeçare, Infantino ka përgatitur tashmë terrenin për të qëndruar deri në vitin 2031, duke deklaruar në dhjetor se tre vitet e tij të para në krye nuk llogariteshin si një mandat i plotë.
Infantino, i cili mbrojti me vendosmëri organizimin e Kupës së Botës nga Katari vitin e kaluar edhe pasi pasi çështja e trajtimit të punëtorëve migrantë, grave dhe komunitetit LGBTQ nga shteti i Gjirit erdhi në qendër të vëmendjes, ka mbikëqyrur zgjerimin e Kupës së Botës për burra dhe gra dhe numëron rritje të mëdha në të ardhurat e FIFA-s.
Ndërkohë, Kupa e Botës për meshkuj do të rritet nga 32 ekipe në 48 për edicionin e ardhshëm që do të zhvillohet në Amerikën e Veriut në vitin 2026, ndërsa Kupa e Botës për femra do të ketë 32 ekipe për herë të parë në Australi dhe Zelandën e Re më vonë këtë vit.
Infantino ka njoftuar gjithashtu të ardhurat e parashikuara prej 11 miliardë dollarësh në katër vitet deri në vitin 2026, krahasuar me 7.5 miliardë dollarë në ciklin e fundit katërvjeçar që përfundon në 2022.
