Kryeministri Edi Rama pasditen e kësaj të marte, i shoqëruar nga ministri i Rindërtimit, Arben Ahmetaj, dhe kryebashkiaku i Tiranës, Erion Veliaj, ka qenë në Zall Herr të Tiranës, ku i dorëzoi dy familjeve çelësat e shtëpive të rindërtuara nga tërmeti i 26 nëntorit 2019.
Rama tha se nga 10 023 familje që ishin në çadra në shkurt 2020 sot janë vetëm 865 familje. “Shkurtin e kaluar ishin në çadra 10.023 familje sot janë 865 dhe pakësohen javë pas jave ashtu si mijëra të tjerë që presin të kthehen në apartamentet e reja. Këto 865 familje marrin çdo muaj bonusin e qerasë, por kanë zgjedhur të qëndrojnë pranë truallit të shtëpisë së prishur në fshat, për arsye të punës me tokën, të kujdesit për gjënë e gjallë apo thjesht për zgjedhjen e tyre”.
Gjatë vizitës Kryeministri nuk kurseu as batutat me qytetarët.
Biseda
Rama: Gëzim, gruan Gëzim!
Kryefamiljari: Patjetër.
Rama: Po nuk erdhi ajo e di si je ti apo jo?
Kryefamiljari: Si?
Rama: Ti je si shtëpia si prishi tërmeti, pa këtë.
Kryefamiljari: Pash Zotin.
Rama: Po patjetër, pse nuk e beson ti, pse ku shkon ti pa këtë?
Kryefamiljari: Jo kurrë.
Rama: S’ke faj, mos e provofsh kurrë. /Opinion.al
