Seanca e sotme gjyqësore në GJKKO për çështjet Gërdeci është shtyrë me kërkesë të ish-ministrit të Mbrojtjes Fatmir Mediu.
Në kërkesën e tij Mediu shprehet se ai dëshironte të ishte i pranishëm ne seancën e sotme, por e kishte të pamundur për shkak të seancës për buxhetin në Parlament. Seanca e radhës pritet të mbahet në 14 dhjetor.
Në seancën e radhës do të vijnë 7 dëshmitarë, mes tyre Aldo Bumçi dhe Shkëlzen Berisha, djali i ish-kryeministrit Sali Berisha.
Ish-ministri i Mbrojtjes, Fatmir Mediu po gjykohet në GJKKO për çështjen “Gërdeci” për dy akuza atë të “Shpërdorimit të Detyrës” dhe “Shpërdorim i detyrës në bashkëpunim me subjekt ushtarak-kuadër komandues”.
