Ish-ministri, Fatmir Mediu, pas shtyrjes së seancës për “Gërdecin”, në një prononcim për gazetarët është shprehur se shefi i sektorit juridik ka deklaruar se çdo akt që ka nxjerrë ministri ka qenë në interes të shërbimit të vendit.
Po ashtu Mediu ka theksuar se ka pritur 17 vjet dhe se është gati të pyetet për çdo gjë.
“Komenti i parë është që dua të falënderoj median për ndjekjen e këtij procesi. Dshmitarët janë thirrur nga prokuroria për të dëshmuar. Sot, përfaqësuesi, shefi i sektorit të drejtorisë juridike theksoi se çdo akt që ka nxjerrë ministri, ka qenë në përputhje me ligjin. Sa i përket thirrjes së dëshmitarëve, ky është detyrim i prokurorisë, që t’i bëjë të mundur të jenë prezent. Nëse s’kanë pyetje vetë për dëshmitarët, të kenë dëshirën që të dëgjojnë pyetjet tona.
Mendoj se nëse ka mangësi se si ka vepruar prokuroria, nuk është përgjegjësi e mbrojtjes. Duhet ta kishin bërë dhe me dëshmitarët që ka thirrur prokuroria. Mendoj se është kompania që ka pasur kontratën. Kompania ka bërë transaksionet që ka bërë këtë proces. Kam pritur 17 vjet, jam gati te pyetem për çdo gjë.”, tha Mediu.
