Po raportohet se George Michael dyshohet se vuante nga varësia ndaj heroinës para vdekjes së tij.
Këngëtari vdiq nga sulmi në zemër në shtëpinë e tij në Angli, në ditën e Krishtlindjeve në moshën 53 vjeçare, dhe burimet tani kanë treguar se ai ishte duke përdorur heroinë, dhe u dërgua në spital në fillim të vitit për trajtimin e mbidozës.
Një burim ka thënë për Daily Telegraph: “Ai është dërguar në spital në disa raste. Ai përdorte heroinë. Mendoj se ishte një mrekulli që i ka zgjatur kaq kohë”.
Sipas burimeve, arresti kardiak, i cili ishte shkaku i vdekjes, sipas menaxherit të George, është i zakonshëm në mesin e përdoruesve të heroinës.
Ndërkohë, i dashuri i këngëtarit, Fadi Fawaz, i cili ishte në lidhje me të ndjerin që nga viti 2011, ka mbetur i shkatërruar nga vdekja e George.
Duke folur për momentin se si e ka gjetur trupin e yllit të vdekur, ai ka thënë për The Daily Telegraph: “Ne deshëm të shkonim në një drekë për Krishtlindje. Shkova ta zgjoj, por e pashë të shtrirë në mënyrë paqësore në shtrat”.
“Çdo gjë ka qenë e komplikuar kohëve të fundit”.
Publicisti i George njoftoi vdekjen e tij përmes një deklaratë në ditën e Krishtlindjeve.
