Sikur të mos mjaftonte që flirtimet dhe takimet romantike janë të ndërlikuara, së fundi po dalin edhe trende të reja që duhet t’i mësojmë për të mos rënë pre e tyre, apo që të mos i bëjmë.
E fundit ishte “thërrimja e bukës”, që do të thotë t’i dërgosh dikujt mesazhe flirtuese për ta mbajtur të interesuar por pa kërkuar asgjë më shumë. Tani është “Gatsby”, që në fakt ka ekzistuar që prej krijimit të rrjeteve sociale por vetëm tani mori emër.
“Gatsbying” është një referencë nga novela klasike “The Great Gatsby” dhe i referohet personazhit Jay Gatsby, i cili organizonte festa të madhërishme për të tërhequr vëmendjen e gruas që dashuronte.
“Gatsbying” sot do të thotë të postosh video ose foto në rrjete sociale me qëllimin e pastër që ta shohin ata që na interesojnë. E më pas t’i kthehemi vazhdimisht për të parë nëse e kanë parë “ata”. Të gjithë e dimë kush janë “ata”.
A e keni bërë? Me siguri që po. Madje madje ndoshta i keni dedikuar të gjithë Instagramin tuaj “atyre”./Opinion.al
